To a Mouse
BY ROBERT BURNS
On Turning up in Her Nest with the Plough, November, 1785
Wee, sleeket, cowran, tim’rous beastie,
O, what a panic’s in thy breastie!
Thou need na start awa sae hasty,
Wi’ bickerin brattle!
I wad be laith to rin an’ chase thee
Wi’ murd’ring pattle!
I’m truly sorry Man’s dominion
Has broken Nature’s social union,
An’ justifies that ill opinion,
Which makes thee startle,
At me, thy poor, earth-born companion,
An’ fellow-mortal!
I doubt na, whyles, but thou may thieve;
What then? poor beastie, thou maun live!
A daimen-icker in a thrave
’S a sma’ request:
I’ll get a blessin wi’ the lave,
An’ never miss ’t!
Thy wee-bit housie, too, in ruin!
It’s silly wa’s the win’s are strewin!
An’ naething, now, to big a new ane,
O’ foggage green!
An’ bleak December’s winds ensuin,
Baith snell an’ keen!
Thou saw the fields laid bare an’ waste,
An’ weary Winter comin fast,
An’ cozie here, beneath the blast,
Thou thought to dwell,
Till crash! the cruel coulter past
Out thro’ thy cell.
That wee-bit heap o’ leaves an’ stibble
Has cost thee monie a weary nibble!
Now thou’s turn’d out, for a’ thy trouble,
But house or hald,
To thole the Winter’s sleety dribble,
An’ cranreuch cauld!
But Mousie, thou art no thy-lane,
In proving foresight may be vain:
The best laid schemes o’ Mice an’ Men
Gang aft agley,
An’ lea’e us nought but grief an’ pain,
For promis’d joy!
Still, thou art blest, compar’d wi’ me!
The present only toucheth thee:
But Och! I backward cast my e’e,
On prospects drear!
An’ forward tho’ I canna see,
I guess an’ fear!
Robert Burns
Folk Hero, Poet (1759–1796)
The narrator goes on to compare the mouse's fate with that of humans—the best-laid plans of mice and men both can go awry. The narrator ends on the second serious theme of the poem, saying to the mouse that for all its suffering, it is blessed compared to him, because it lives only the present moment.
"To a Mouse" by Robert Burns? - eNotes.com
https://www.enotes.com › what-serous-message-oem-mouse-460016
Search for: What is the theme of To a Mouse by Robert Burns?
"To a Mouse" by Robert Burns? - eNotes.com
https://www.enotes.com › what-serous-message-oem-mouse-460016
Search for: What is the theme of To a Mouse by Robert Burns?
2:22“The future doesn’t look good,” no signs of the Tolko mill in Kelowna getting up and running anytime soon “The future doesn’t look good,” no signs of the Tolko mill in Kelowna getting up and running anytime soon
2:13Logging truck convoy rolls into Vancouver Logging truck convoy rolls into Vancouver
